يــا مورد الــخــديــن

سبحان ربٍ(ن) قادر(ن) ٍ... حظني فيك
يامورد الخدين ... زاهي جمالك
سبحان من صورك وابدع موارييك
ولا ظنتي مخلوق ياصل وصالك
كن الجمال مخصص ٍلك ومعطيك
ولا اظنه لغيرك يعطى بدالك
ياشمعةٍ بالليل ... توضى لياليك
اسامر النجمه ... واراعي خيالك
عيني تراعي من بعيد(ن) خطوايك
وقلبي ومرني والمحبه مشالك
يامورد الخدين...عيني تراعيك
وقلبي طوُ نه ... بالمحبه احبالك
ما ظنتي غيرك مع الناس يشديك
انصى الحواري على القى مثالك
طبعك عنيد..وهذا اللي امحليك
عز الله انه فاق... طبعك دلالك
عز الله ان اعطاك واكرمك واليك
من دلعك ... متعك بزاهي دلالك
والله يالولا الغير واخشى الحكي فيك
لاصيح باعلى الصوت واذكر خصالك
لون تجيك الخرس يوم وتحاكيك
ينحل لسانه ... ومن لهاته حكا لك
ولون تجيك العمي يوم وتراعيك
تبصر على نورك وتتبع ظلالك
ولون الاصقه يوم تهمس يلاقيك
تصغي لك ... آذانه ويسمع اقوالك
كنَه شعاع الشمس من نور خديك
والا سناها ... في لمسة جمالك
أي والله احبك واصرخ واناديك
ولا ارضى عشيرٍ بالمحبه بدالك
ردي على قلب(ن) جريح(ن) يناديك
قلب(ن) عطاك الود وكل الغلالك