بسم الله الرحمن الرحيم
ملوخيه خضراء وكان عندي مفرزنه
دجاج او لحمه انا عملتها بالدجاج
ليمون وبصل وثوم وكسبره خضراء
ارز تايجر
ملح وفلفل اسود وبهارات خفيفه جدا زيت قلي
ماجي
نغسل الدجاج جيدا وننزع جلده
قطعت بصله متوسطه وقلبتها بقليل من زيت الذره لحتى اشقرت
اضفت الدجاج وقلبته منيح لحتى اشقر
اضيف التوابل والملح والماجي واغمر الدجاج بالماء لحتى يستوي
في هادي الاثناء افرم الملوخيه في الفرامه
وهيك بيصير شكلها
وكل وحده ورغبتها اذا بتفضلوها خشنه او ناعمه
انا عملتها وسط
لما يستوي الدجاج بنطلعه من ماء السلق ونصفي الماء ونضيف الملوخيه المفرومه
على ماء الدجاج ونتركهاا تغلي
طبعا بيصير يطلع على وجه الملوخيه روفه كتير ولازم نظل نشيلها لحتى ما يظل
على سطحها اي شئ
وهيك بتصير
في هاي الاثناء نقلي الدجاج في زيت حامي او نشويه بالفرن حسب الرغبه
ونضعه جانبا لحين التقديم
وهلا نفرم بصله متوسطة الحجم او بصل اخضر وعدة فصوص من الثوم
ونفرم باقة الكسبره ونضع البصل والثوم والكسبره مع
بعض وندقهم لحتى ينعمو
ولما تستوي الملوخيه نضيفهم عليها ونغليهم غلوه وحده بس
وفيه ناس يقلو الثوم لكن انا هيك بعملها بتطلع طيبه كتير
وما فيها زيت زياده
تقدم الملوخيه مع الارز الابيض او ارز بالشعيريه
وطبعا لما تقدميها على السفره بتعصري ليمون وبامكان كل شخص يضيف على طبقه الكميه اللي يرغبها من الليمون
وانا شخصيا افضل الليمون والثوم يكون واضح بالملوخيه
قدمتها مع الارز الابيض والسلطه والبصل الاخضر
بتمنى انو الطبخه نالت اعجابكن
